Chlätterpartner/in Summer '15

Salutti á tuttì.

I waiss, i bin a bloss früah dra, aber liabar früah, as gar ni.. ;)
I suacha für dia nägscht saison äppert wo gära mit miar verruss ga chlättera chunnt.
Wenn z wätter passt, bini gära immer wider am wuchaend aswo am felsa. I han aber där summer niamart wo dr wiil hätti, zum am wuchaend alpin, oder zumindescht tailwiis, ga chlättera z goh.
Wär gäbig, wennd us dr region churerrhiital, oder st.gallarrhiital wärsch wärsch und a bloss erfahrig hättisch, will i han dia no nid grossartig, schaffa aber dra. ;)
I macha afangs summer no zwai kürs und de sötti das au amol "richtig" lehra und nid nu macha.

Miis persönlich ziil für hür isch z zervrailahora und das wetti au, wenn irgendwia müggli, erraicha.

Au für amol a prächtiga chlättertag im rätikon, oder ama andera vorschlag us am chlätterfüahrar, bini sofort z ha. ;)

So, hoffa as heg aswär dia gliicha verruckta ideea und ma chönn schi zämmatua zum aswo uf reppla. ;)

Adia und hübscha tag.