Berg-/Chlettergspänlii

Ich sueche e ebefalls wiiblichs Gspändlii (oder es Grüpplii wo mii mitnimmt) am andere Seilend! Ich chlettere am liebste MSL im eifachere Bereich, däfür gern emol chlii alpin! Aber au biz im Chlettergarte goh pröble liit mol dinne. Süs bini wahnsinnig gern uf Hochtoure (aber no nie selber e Seilschaft gführt), Alpinwanderige oder im Winter am Skitoure oder uf dä Piste (keis Wucheend ohni Ski under dä Füess ;))! Ich muess nöd dä Berg uf seckle, aber zügig laufe mit mol me chliine Päuselii darfs denn schoo sii. Im Sichere, Standplatzbau, usw. bini Sattelfest.

Schön wärs wenn du/ihr öppe im gliiche Alter wie ich wäret, so ca. 19-30, und im beste Fall au us dr Ostschwiiz (nöd zwingend) wäret.

Falls i dii/eu ahgsproche han, meldet eu doch zum sich genauer Ustusche, wür mii freue!