Kletterkollegen für eher regelmässiges Klettern in- & outdoor

Hoi zemä :)
Wür gern eher regelmässig id Halle wie au i di nöchere Klettergärte (ab Züri). Mr sötted eifach zemä Spass bim klettere ha und euis gegesiitig au chli pushä/helfe chönne.

Zu mir: Ich klettere eich scho länger aber bis vor guet eim Jahr nur ab und zue e mal. Dur d'Kletterkürs über d'Uni bini jetzt langsam immer meh am klettere. I de Halle bini so ca. bi 6b acho. Aber momentan hani kei Seilpartner und bin drum nur am Bouldere. Ich erhoff mr eich scho dass i dur regelmässigers klettere und de Überwindig vu de Sturzangst (wo mr uf dem Niveau halt no hett) so chli id 7er ufstiige chönnt. Kuul wär vor allem au das immer besser uf de Fels z'bringe. Das heisst ich han scho biz Ambitione zum besser werde, aber ich fange jetzt eher ned ah mega verbisse z'trainiere fürs Sportklettere. Im Summer bini au für Mehrseillänge-/ alpin Kletterkürs agmolde zum technisch besser z'werde und au mal selbständig eifacheri alpin Klettertoure chönne z'mache.

Wenn ufme ähnliche Weg bisch oder eifach für en bestimmte Teil interessiert bisch (bspw. nur usse/d'inne/alpin) und so ca. +/-5 Jahr um 25gi bisch (damit mr au eppe di gliich Sprach redet :) ), eifach mal melde. Ich bin momentan relativ flexibel, aber Gaswerk wär scho am praktischte. Material hani grossteils und es Auto chani ab und zue au uslehne.